SONGTEXTE

violett

i gsiag mi no in meinm cordkleid
die wöd vü zu groß für a klanes mädl wia mi

i gsiag’s no vor mir olles schwoaz weiß kariert
die regeln san a so wenn du groß bist donn dua wos du wüst

i vasteh es net, eh i vasteh es net
wia waß i jetz wo i wirklich wü, wo i’s doch glernt ho wo i zum wön hob

i ho glernt noch ondan zügen z’spün,
jetzt ho i gmerkt dass i’s verlerna wü
jetzt trog i mei karo violett

es is ma wuascht wos do wer ondra sogt
es hot mi jo a nie wer gfrogt
jetzt trog i mei karo violett – schwoaz weiß steht ma net

i gsiag mi no vor a poa joah
i ho es gfeiert wonn mir wer ondra gfeiert hot

erfolg hot dei, dei erfolgreich is in dem
wos die ondan ois erfolg auseng

eh i vasteh es net, he i vasteh es ne
wia ho i glaubt ois is absolut – is es net leichter wenn ma d’wöd relativiert

i ho glernt noch ondan zügen z’spün,
jetzt ho i gmerkt dass i’s verlerna wü

jetzt trog i mei karo violett
es is ma wuascht wos do wer ondra sogt
es hot mi jo a nie wer gfrogt

jetzt trog i mei karo violett
gonz egal ob es eich gfoit oder net
schwoaz weiß steht ma net

Du (schaust guad aus)

du schaust heit’ guad aus
glicklich sein steht da
du schaust heit’ guad aus
des duast du sist [ansonsten] eh a

weil du gibst und gibst und nimmst net vü
wonn i di auschau donn gsiag i mi drinn
ka zeit de vergeht, kane soang

du – bist a guada mensch
weil dei gfühl kane grenzen kennt
du – du guada mensch
i mog wia des mit uns rennt
und wo wir jetzt stehn
und wias mit uns weidageht

pock deine zweifel weg
hau se ins wossa
weil de zweifel stehn da net
bist eh so vü gwochsn

i waß no wia ma friacha woan
wir hom uns dinge nochtrong
und jetzt, jetzt song ma’s uns in’s gsicht

du – bist a guada mensch
weil dei gfühl kane grenzen kennt
du – du guada mensch
i mog wia des mit uns rennt
und wo wir jetzt stehn
und wias mit uns weidageht